Bakı, AzerVoice

İsraili Qəzzaya hücumlarından dolayı tənqid edən fransalı akademik işindən uzaqlaşdırılıb.

AzerVoice xəbər verir ki, Fransanın Tuluza şəhərindəki Toulouse School of Economics (TSE) Universitetində işləyən müqaviləli müəllim Benoit Huou, sentyabrın 3-də dərsdən əvvəl etdiyi çıxışa görə intizam istintaqına məruz qalıb.

TSE-də riyaziyyat dərsi verən Huu təxminən 200 tələbənin iştirak etdiyi mühazirədə çıxış edib. Çıxış zamanı Lancet jurnalında dərc edilmiş məqaləyə istinad edərək 2023-cü ilin sonundan bəri İsrailin etdiyi hücumlardan danışıb.

Fransa hökumətinin İsraili dəstəkləməsinə də reaksiya verən Huu, İsraili boykot etməyə çağırıb.

Müəllimin sözügedən çıxışı üniverstet rəhbərliyi tərəfindən birmənalı qarşılanmayıb.

Universitet rəhbərliyi verdiyi yazılı açıqlamada Huounun sözlərinin dərslə heç bir əlaqəsi olmadığını və qərəzsiz təhsil prinsipinin pozduğunu deyib. Bu səbəbdən Huouya qarşı universitetdaxili intizam istintaqının aparılacağı bildirib.

Fransanın Ali Təhsil və Araşdırma naziri Sylvie Retailleau, Huounun İsrail hücumlarını tənqid edən sözlərini “antisemitizm” çərçivəsində şərh edib. Tələbələri başda antisemitizm olmaqla hər cür ayrı-seçkilikdən qorumalı olduqlarını deyib.

Qeyd edək ki, müəllimin vəzifəsindən uzaqlaşdırılması akademik fikir azadlığına zidd olduğu üçün sosial media istifadəçiləri tərəfindən tənqid edilib.