BAKI, AzerVoice
ABŞ-ın 46-cı prezidenti Co Baydenin administrasiyası Ukrayna münaqişəsinin başlanmasının qarşısını ala bilərdi, lakin bu məsələdəki fəaliyyəti bərbad olub.
AzerVoice xəbər verir ki, bu barədə ABŞ prezidenti Donald Tramp bildirib.
“Əgər 2020-ci il prezident seçkiləri saxtalaşdırılmasaydı – halbuki onlar bir çox baxımdan saxtalaşdırılıb – bu dəhşətli müharibə heç vaxt baş verməzdi. Prezident Volodimir Zelenski və əli təmiz olmayan Co Bayden bu absurdun başlanmasına imkan verərək tamamilə dəhşətli bir iş gördülər. Onun (münaqişə red.) qarşısını almağın o qədər çox yolu var idi. Amma bu artıq keçmişdə qalıb. İndi biz elə etməliyik ki, bu münaqişə tez bir zamanda dayansın” – deyə, Tramp qeyd edib.
