BAKI, AzerVoice
İranla razılaşma uranın zənginləşdirilməsi və raket proqramlarının yoxlanılmasından asılıdır.
AzerVoice xəbər verir ki, Ağ Evin xüsusi nümayəndəsi Steve Witkoff İranla istənilən diplomatik razılaşmanın uranın zənginləşdirilməsi və nüvə silahı proqramlarının ciddi yoxlanılmasına bağlı olduğunu bildirib.
Witkoff qeyd edib ki, proses iki mərhələdə aparılacaq. “Əvvəlcə zənginləşdirmə proqramının yoxlanılması, sonra isə silahlanmanın – o cümlədən raketlərin və onların İran ərazisində saxlanıldığı növlərin yoxlanılması məsələsi gündəmdə olacaq” - deyə o qeyd edib.
Qeyd edək ki, İranla ABŞ arasında dolayı danışıqlar davam edir və bu müzakirələrdə əsas mövzulardan biri də Tehran rejiminin nüvə imkanlarının beynəlxalq nəzarətə uyğunlaşdırılmasıdır.
