BAKI, AzerVoice
ABŞ, yaxın zamanda Ukrayna üzrə sülh yolunun aydın şəkildə müəyyən olunmaması halında, bu sahədəki vasitəçilik səylərindən çəkiləcəyini bəyan edib.
AzerVoice xəbər verir ki, bu barədə ABŞ Dövlət katibi Marko Rubio, NATO Baş katibi Mark Rutte ilə telefon danışığında bildirib.
Rubionun sözlərinə görə, ABŞ müharibənin dayandırılmasına sadiqdir. Lakin yaxın zamanda sülhə aparan aydın yol ortaya çıxmasa, ABŞ vasitəçilik səylərindən geri çəkiləcək.
Rubio, həmçinin, Ukrayna nümayəndə heyətinə dünən Parisdə, Rusiya rəsmilərinə isə telefonla təqdim olunan sülh təklifi barədə Rutteyə məlumat verib. Təklifin detalları açıqlanmasa da, bu təşəbbüsün Ukraynada davamlı və dayanıqlı sülhə aparacağına dair ümid ifadə olunub.
