BAKI, AzerVoice
Beynəlxalq Ədalət Məhkəməsində İsrailin Qəzzada humanitar öhdəlikləri ilə bağlı tarixi dinləmələrə start verilib.
AzerVoice xəbər verir ki, Haaqadakı
Sülh Sarayında başlayan dinləmələrdə İsrailin Qəzzaya humanitar
yardım çatdırmaq öhdəliklərini yerinə yetirib-yetirmədiyi müzakirə
olunur.
Fələstin nümayəndələri İsraili soyqırımı və mülki əhaliyə qarşı
humanitar yardımı əngəlləməkdə ittiham edib.
İsrail dinləmələrdə iştirak etməsə də, məhkəməyə 37 səhifəlik
yazılı müdafiə təqdim edib. BMT və beynəlxalq təşkilatlar Qəzzada
vəziyyətin kritik həddə çatdığını bildirir.
Qeyd edək ki, bu dinləmələr BMT Baş Assambleyasının müraciəti ilə təşkil olunub və məhkəmənin qərarı məsləhət xarakterli olsa da, İsrailə beynəlxalq təzyiqləri artıracağı gözlənilir.
