BAKI, AzerVoice

Taylandın paytaxtı Banqkokda 30 mərtəbəli Baş Audit İdarəsi binasının çökməsi zamanı ölənlərin sayı artıb.

AzerVoice xəbər verir ki, bu barədə Banqkok şəhər administrasiyası məlumat yayıb.

Məlumata əsasən, ölənlərin sayı 86 nəfərə çatıb, 8 nəfər isə itkin düşüb.

Binanın dağıntıları altında qalan işçilərin tapılması üçün xilasetmə və axtarış əməliyyatları davam etdirilir. Əməliyyat qərargahının məlumatına görə, indiyədək 86 nəfərin meyiti tapılıb və şəxsiyyətləri müəyyən edilib. Hazırda itkin düşən 8 nəfərin axtarışı aparılır.

Qeyd edə ki, hadisəyə səbəb olan 8,2 bal gücündə zəlzələ martın 28-də, Myanmada baş verib. Bu zəlzələ nəticəsində Myanmada 3800 nəfər həyatını itirib. Güclü yeraltı təkanlar Taylandın paytaxtı Banqkok da daxil olmaqla, ölkənin şimal, şimal-şərq, mərkəz və cənub bölgələrində də hiss olunub.

Banqkokda yalnız Baş Audit İdarəsinin binası bu güclü zəlzələyə tab gətirə bilməyərək tamamilə çöküb.