BAKI, AzerVoice
Ukraynadakı vəziyyətin nizamlanması üzrə danışıqlara başlamazdan əvvəl mütləq şəkildə 30 günlük atəşkəs təmin olunmalıdır.
AzerVoice xəbər verir ki, bu barədə ABŞ-ın Ukrayna üzrə xüsusi nümayəndəsi Kit Kelloq bildirib.
“Söhbət əvvəlcə qeyd-şərtsiz 30 günlük atəşkəsin təmin olunmasından gedir və bu müddət ərzində hərtərəfli sülh danışıqlarına keçid baş verməlidir. Əks təqdirdə yox” – deyə, o qeyd edib.
Xatırladaq ki, ABŞ Prezidenti Donald Tramp daha əvvəl Rusiya Prezidenti Vladimir Putinin Kiyev hakimiyyəti ilə birbaşa danışıqları bərpa etmək təklifini alqışlamışdı.
Putin 11 may gecəsi Ukrayna ilə 2022-ci ildə kəsilmiş birbaşa danışıqların heç bir ilkin şərt olmadan bərpa edilməsini təklif edib. O, dialoqun mayın 15-də İstanbulda başlanmasını təklif edib.
