BAKI, AzerVoice
ABŞ-nin mərkəzi və şərq sahillərində güclü qasırğa baş verib.
AzerVoice-un məlumatına görə, qasırğa nəticəsində azı 23 nəfər həlak olub. Təbii fəlakət, xüsusilə Kentaki (Kentucky), Missuri və Vircinia ştatlarında ağır nəticələrə səbəb olub.
Kentaki ştatının qubernatoru Endi Beşiar, qasırğa səbəbindən ştatda ən azı 14 nəfərin öldüyünü bildirib. Missuri ştatında isə 7 nəfər həyatını itirib. Vircinia ştatında iki nəfərin ölümü ilə ölənlərin ümumi sayı 23-ə yüksəlib.
qasırğa nəticəsində ağaclar və elektrik xətləri aşıb, bir çox evin isə damı uçub. Miçiqandan Tennessiyə qədər uzanan ərazidə 600 minə yaxın insan elektrik enerjisindən məhrum qalıb. Missuri ştatının Sent Luis şəhərində isə 5 mindən çox evin zərər gördüyü bildirilib.
Hadisə ilə əlaqədar fövqəladə hallar xidmətləri səfərbər olunub, axtarış-xilasetmə və bərpa işləri davam edir. ABŞ Milli Hava Xidməti bölgədə yeni qasırğa riskinin davam etdiyini və vətəndaşların ehtiyatlı olmalarını tövsiyə edir.
