BAKI,
AzerVoice
ABŞ-ın keçmiş prezidenti Co Baydenə "aqressiv" prostat xərçəngi
diaqnozu qoyulub.
AzerVoice xəbər verir ki, Baydenin
ofisi onun səhhəti ilə bağlı yazılı açıqlama yayıb.
Sənəddə keçmiş prezidentin mayın 16-da həkimlər tərəfindən prostat
xərçəngi diaqnozu aldığı və xəstəliyin "aqressiv" xarakter daşıdığı
qeyd olunub.
Məlumata görə, Baydenin xərçənginin Gleason balı 9 olaraq müəyyən edilib. Bu bal 1-dən 10-a qədər olan miqyasda xərçəng hüceyrələrinin nə qədər aqressiv olduğunu göstərir və yüksək riskli formaya işarə edir. Hazırda Bayden ailəsi ilə birgə müalicə planını müzakirə edir və yaxın günlərdə prosedurlara start veriləcəyi gözlənilir.
Digər tərəfdən, ABŞ-ın sabiq prezidenti və Respublikaçılar Partiyasının liderlərindən biri Donald Tramp Truth Social platformasında Baydenə keçmiş siyasi rəqib kimi deyil, insani münasibətlə yanaşaraq tezliklə sağalmasını arzulayıb.
“Melaniya və mən Co Baydenin son tibbi diaqnozunu eşidəndə çox kədərləndik. Onun ailəsinə ən səmimi və ən xoş arzularımızı çatdırırıq və Coya tezliklə sağalmağı arzulayırıq” – deyə Tramp açıqlamasında bildirib.
Qeyd edək ki, Co Bayden 2021–2024-ci illər ərzində ABŞ prezidenti kimi fəaliyyət göstərib. Onun səhhəti ilə bağlı xəbərlər son illərdə medianın diqqət mərkəzində olub. Prostat xərçəngi ABŞ-da kişilər arasında ən çox rast gəlinən xərçəng növlərindən biri sayılır və erkən diaqnozla müalicə şansı yüksək olur.
