BAKI, AzerVoice
ABŞ fələstinlilərin Qəzza zolağından müvəqqəti olaraq köçürülməsi ilə bağlı imkanları müzakirə etmək üçün bir sıra ölkələrə müraciət edib.
AzerVoice xəbər verir ki. bu barədə ABŞ dövlət katibi və eyni zamanda prezidentin milli təhlükəsizlik üzrə müvəqqəti köməkçisi Marko Rubio ABŞ Senatının Xarici Əlaqələr Komitəsində keçirilən dinləmələr zamanı məlumat verib.
“Bu məsələni bəzi ölkələrlə müzakirə etmişik” – deyə Rubio bildirib.
O qeyd edib ki, söhbət yalnız kiminsə könüllü şəkildə və şəxsi istəyilə müvəqqəti olaraq Qəzzanı tərk etmək istəməsindən gedir və bu halda bəzi ölkələr bu insanları qəbul etməyə hazır olduqlarını bildiriblər.
“Biz ilkin mərhələdə bir sıra ölkələrə müraciət edərək, Qəzzanı tərk etmək istəyən insanları qəbul etməyə hazır olub-olmadıqlarını soruşmuşuq – bu, daimi yox, Qəzzanın bərpasına yönəlmiş bir addım kimi nəzərdə tutulur” -deyə, Dövlət katibi qeyd edib.
O xüsusilə vurğulayıb ki, burada deportasiyadan söhbət getmir.
