BAKI, AzerVoice
ABŞ-ın prezidenti Donald Tramp Rusiya və Ukrayna arasında yaxın vaxtlarda genişmiqyaslı əsir mübadiləsinin həyata keçiriləcəyini bildirib.
AzerVoice xəbər verir ki, bu barədə o, sosial şəbəkəsində paylaşım edib.
“Rusiya və Ukrayna arasında əsirlərin böyük mübadiləsi üzrə danışıqlar yeni başa çatdı. Mübadilə yaxın günlərdə baş tutacaq. Hər iki tərəfi uğurlu danışıqlara görə təbrik edirəm”- deyə o bildirib.
Məlumata görə, mübadilə razılaşması “1000-ə qarşı 1000” formatında olacaq. Razılıq Rusiya və Ukrayna nümayəndələri arasında 16 may tarixində İstanbulda keçirilmiş danışıqlarda əldə olunub.
Kremlin rəsmi nümayəndəsi Dmitri Peskov da Ukrayna tərəfindən əsir mübadiləsinə dair siyahının alındığını təsdiqləyib.
