BAKI, AzerVoice

ABŞ prezidenti Donald Tramp İsrailin İrana qarşı davam edən hücumlarının səngiməyəcəyini bildirib.

AzerVoice xəbər verir ki, Kanadada keçirilən G7 Liderlər Sammitindən qayıdan Tramp Air Force One telekanalında jurnalistlərə danışıb.

Tramp deyib ki, o, İranla nüvə sazişinə “həqiqi son” verilməsini istəyir və Yaxın Şərqdəki hadisələri Ağ Evin Situasiya Otağından izləyəcəyini deyib.

Kanadanı tərk edərkən İranla "atəşkəs axtardığını demədiyini" qeyd edən Tramp, İrandan nüvə silahı planlarından tamamilə imtina etməsini istəyərək "əsl son" tələb etdiyini bildirib.

"Növbəti bir-iki günə öyrənəcəksiniz. Hələ heç kim sürətini azaltmayıb", - Tramp deyib. O, Tehrandan təxliyələrlə bağlı "insanların təhlükəsiz olmasını" istədiyini bildirib.

Prezident Tramp həmçinin bildirib ki, o, Şimali Koreya və ya Rusiyanın İrana kömək etməsi ilə bağlı heç bir əlamət görmədiyini bildirib.

Qeyd edək ki, iyunun 13-də İsrail ordusu İranın nüvə obyektləri və hərbi rəhbərliyini hədəf alan genişmiqyaslı hücuma başlayıb. Həmin hücum nəticəsində İranın Baş Qərargah rəisi, İnqilab Keşikçiləri Korpusunun komandanı, yüksək rütbəli hərbçilər və 9 nüvə alimi həlak olub. Mülki itkilərin ümumi sayı 224 nəfər olaraq açıqlanıb.

İran bu hücuma cavab olaraq İsrailə ballistik raketlər atıb. Bu qarşı hücumlar nəticəsində 24 nəfərin öldüyü, 500-dən çox insanın yaralandığı bildirilib.