BAKI, AzerVoice
ABŞ prezidenti Trampın Netanyahuya “müharibə yox, razılaşma istəyirik” mesajı verəcəyi iddia olunub.
AzerVoice xəbər verir ki, Amerikanın
“Axios” nəşri Ağ Ev rəsmisinə istinadla prezident Donald Trampın
İsrailin baş naziri Benyamin Netanyahuya münaqişələrin
dayandırılmasını istədiyini çatdıracağını yazıb.
Məlumatda Trampın əsas məqsədinin “müharibəni dayandırmaq və
razılaşma əldə etmək” olduğu bildirilib.
Qeyd edək ki, iyunun 13-də İsrail İranda hərbi və nüvə obyektlərinə qarşı irimiqyaslı hücumlara başlayıb. Nəticədə İranın yüksək rütbəli hərbçiləri və nüvə alimləri həlak olub. Tehran bu hücumlara cavab olaraq bir sıra hərbi əməliyyatlar həyata keçirib. Regionda gərginlik artmaqda davam edir, bir çox ölkə, o cümlədən Türkiyə, İsrailin hərəkətlərini kəskin tənqid edib.
