BAKI, AzerVoice
İsrail Müdafiə Ordusu (IDF) Livana növbəti hava zərbəsinin endirildiyini açıqlayıb.
AzerVoice xəbər verir ki, bu barədə ordunun mətbuat xidməti məlumat verib.
Məlumata görə, zərbənin hədəfi Livanın cənubundakı Kunin yaşayış məntəqəsinin ətrafında yerləşən və şiə "Hizbullah"ın üzvü olan Mühəmməd Hammudinin öldürülməsi olub.
İsrail tərəfinin bildirdiyinə görə, Hammudi "Hizbullah"ın cənubdakı Bint Cbeyl şəhəri ətrafında yerləşən hərbi qolunun bölmələrindən birinə komandanlıq edirdi.
