BAKI, AzerVoice
Maskın yeni partiya təşəbbüsü Trampı qəzəbləndirib.
AzerVoice xəbər verir ki, ABŞ
prezidenti Donald Tramp və texnologiya milyarderi İlon Mask
arasında siyasi gərginlik artmaqdadır.
Maskın ABŞ-da yeni siyasi partiya yaratmaq planları Trampın sərt
reaksiyasına səbəb olub. Tramp, Maskın elektrikli avtomobil
biznesinin dövlət dəstəyi olmadan fəaliyyət göstərə bilməyəcəyini
iddia edərək, “Elon, dövlət təşviqi olmasaydı, yəqin ki, Cənubi
Afrikadakı evinə qayıdardı. Əslində səni deportasiya edə bilərik”-
ifadəsini işlədib.
Mask isə X platformasında ABŞ-da “həqiqətən xalqı təmsil edən yeni siyasi partiya” yaratmaq niyyətini açıqlayıb və iyunun əvvəlində keçirdiyi sorğuda əhalinin 80%-nin bu ideyanı dəstəklədiyini bildirib. O, mövcud Respublikaçı və Demokrat partiyalarını tək partiyalı rejim adlandırıb.
Tramp əvvəllər Maskı dəstəklədiyini, lakin indi münasibətlərin pisləşdiyini söyləyib. Mask da Trampın seçkilərdə qalib gəlməsində öz töhfəsini vurğulayıb.
Bu qarşıdurma ABŞ siyasətində yeni dönəmin başlanğıcını işarə edir. Eyni zamanda, Maskın Trampın Cefri Epşteyn davası ilə əlaqəsi barədə iddialar da ictimai müzakirələrə səbəb olub.
