BAKI,
AzerVoice
Trampın nümayəndəsi Kelloq və Belarus lideri Lukaşenko Ukrayna ilə
bağlı atəşkəs görüşü keçirib.
AzerVoice xəbər verir ki, ABŞ
prezidenti Donald Trampın Ukrayna və Rusiya üzrə xüsusi nümayəndəsi
Keyt Kelloq Belarus prezidenti Aleksandr Lukaşenko ilə Minskdə
görüşüb.
Görüşdə Ukrayna-Rusiya müharibəsində "tam və qeyd-şərtsiz atəşkəs"
məsələsi müzakirə edilib.
Kelloq, sosial şəbəkə platforması X-də etdiyi paylaşımda, Rusiya mediasında yayılan "Ukraynanın Rusiya ərazisinə hücumlarının qarşısının alınacağına söz verdiyi" yönündəki xəbərləri təkzib edib və bunların "kontekstdən çıxarıldığını" bildirib. O, Lukaşenko ilə müzakirələrinin yalnız atəşkəsin əldə olunmasına yönəldiyini vurğulayıb.
Xüsusi nümayəndə, Ukraynanın fəaliyyətlərinə qoyulan hər hansı məhdudiyyətin Rusiyanın addımlarından asılı olduğunu, ABŞ-ın isə yalnız münaqişənin tam şəkildə dayandırılması üçün çalışdığını qeyd edib.
Qeyd edək ki, bu görüş iyunun 21-də Belarusun paytaxtı Minskdə baş tutub. Görüşün təfərrüatları rəsmi mənbələr tərəfindən açıqlanmasa da, ABŞ administrasiyası müharibədə tərəfləri danışıqlara təşviq etməyə davam etdiyini bildirir.
