BAKI, AzerVoice
Böyük Britaniya, Rusiya Silahlı Qüvvələrinin Radiasiya, Kimyəvi və Bioloji Müdafiə Qoşunlarının rəisi general-mayor Aleksey Rtişev və onun müavini general-mayor Andrey Marçenkoya qarşı sanksiyalar tətbiq edib.
AzerVoice xəbər verir ki, bu barədə Böyük Britaniya hökumətinin saytında dərc olunan qara siyahıda məlumat verilib.
Sanksiyalar həmin şəxslərin Böyük Britaniyaya girişinə qadağa və orada aşkar edilə biləcək aktivlərinin dondurulmasını nəzərdə tutur.
Bundan əlavə, Ukrayna münaqişəsi ilə bağlı Britaniya hökuməti tərəfindən sanksiya siyahısına Moskva vilayətinin Serqiyev Posad şəhərində yerləşən Tətbiqi Kimya üzrə Elmi-Tədqiqat İnstitutu da əlavə edilib.
