ABŞ senatoru İsrailin Qəzza siyasətini sərt tənqid edib

CNN-ə müsahibəsində Sanders, Qəzza xalqının İsrailin tətbiq etdiyi məhdudiyyətlər səbəbindən aclıq çəkdiyini vurğulayıb. Senator, Senata İsrailə silah satışının dayandırılması üçün təzyiq göstərəcəyini bildirib. Sanders, “İsrailin 7 oktyabr hücumlarına qarşı özünü müdafiə etmək hüququ var. Ancaq o vaxtdan bəri etdikləri bütün Fələstin xalqına qarşı müharibəyə çevrildi” - deyib. Qəzzada on minlərlə insanın, o cümlədən uşaqların aclıqdan əziyyət çəkdiyini bildirən senator, Baş nazir Binyamin Netanyahunun həyata keçirdiyi blokadanı da pisləyib

11 Avqust 2025 11:13

Bakı, AzerVoice, Nərmin Ağayeva

ABŞ senatoru Bernie Sanders, İsrailin Qəzzanı tamamilə işğal etmək qərarını kəskin şəkildə tənqid edib.

AzerVoice xəbər verir ki, CNN-ə müsahibəsində Sanders, Qəzza xalqının İsrailin tətbiq etdiyi məhdudiyyətlər səbəbindən aclıq çəkdiyini vurğulayıb. Senator, Senata İsrailə silah satışının dayandırılması üçün təzyiq göstərəcəyini bildirib.

Sanders, “İsrailin 7 oktyabr hücumlarına qarşı özünü müdafiə etmək hüququ var. Ancaq o vaxtdan bəri etdikləri bütün Fələstin xalqına qarşı müharibəyə çevrildi” - deyib.

Qəzzada on minlərlə insanın, o cümlədən uşaqların aclıqdan əziyyət çəkdiyini bildirən senator, Baş nazir Binyamin Netanyahunun həyata keçirdiyi blokadanı da pisləyib.

İsrailin Qəzzanı tam işğal planı ilə bağlı Sanders, “Netanyahunun hazırkı addımları İsraili faktiki olaraq pariya dövlətinə çevirib. Qorxuram ki, İsrail təkcə ABŞ-da deyil, bütün dünyada çox mənfi qarşılanır” - ifadəsini işlədib.

Qeyd edək ki, baş nazir Netanyahu Qəzza zolağının hamısını işğal edəcəklərini açıqlamış, İsrail ordusu isə bölgədə daimi işğalı nəzərdə tutan genişmiqyaslı hücum planını icraya başlamışdı.