Qəzza şəhərinin işğalı üçün Israildə 100 min əsgər səfərbər olunacaq

İsrail ordusu Qəzza şəhərinin işğalı planı çərçivəsində 80-100 min ehtiyat əsgəri səfərbər etməyi nəzərdə tutur. “Yedioth Ahronot” qəzetinin məlumatına görə, Baş Qərargah rəisi Eyal Zamir Qəzza şəhəri də daxil olmaqla bölgənin işğalı üçün hücum planının əsasını təsdiqləyib. Plan təsdiqləndikdən sonra Zamirin müəyyən etdiyi ilkin çərçivəyə əsasən ehtiyatda olan on minlərlə hərbçiyə çağırış göndəriləcək. Qəzza şəhərinin qərb hissəsində hündürmərtəbəli binalara hücumlar, HƏMAS-ın təchiz etdiyi iddia edilən qruplara qarşı əməliyyatlar və hücum manevrləri ilə bağlı müzakirələrin yaxın günlərdə davam etdiriləcəyi bildirilir.

14 Avqust 2025 12:55

BAKI, AzerVoice, Nərmin Ağayeva

İsrail Qəzzanı işğal üçün 100 minədək ehtiyat əsgər çağıracaq.

AzerVoice xəbər verir ki, İsrail ordusu Qəzza şəhərinin işğalı planı çərçivəsində 80-100 min ehtiyat əsgəri səfərbər etməyi nəzərdə tutur.

“Yedioth Ahronot” qəzetinin məlumatına görə, Baş Qərargah rəisi Eyal Zamir Qəzza şəhəri də daxil olmaqla bölgənin işğalı üçün hücum planının əsasını təsdiqləyib.

Plan təsdiqləndikdən sonra Zamirin müəyyən etdiyi ilkin çərçivəyə əsasən ehtiyatda olan on minlərlə hərbçiyə çağırış göndəriləcək. Qəzza şəhərinin qərb hissəsində hündürmərtəbəli binalara hücumlar, HƏMAS-ın təchiz etdiyi iddia edilən qruplara qarşı əməliyyatlar və hücum manevrləri ilə bağlı müzakirələrin yaxın günlərdə davam etdiriləcəyi bildirilir.

Hesabatlara əsasən, işğal əməliyyatlarının Qəzza şəhərində və zolağın şimalında 2026-cı ilə qədər davam etməsi ehtimal olunur. İsrail Təhlükəsizlik Kabineti 8 avqustda Qəzza şəhərinin işğalı planını təsdiqləyib.

Baş nazir Benyamin Netanyahu isə Fox News-a açıqlamasında Qəzza zolağının tam işğalını hədəflədiklərini deyib. Yerli mediaya görə, əməliyyatlar mərhələli şəkildə aparılacaq – ilk mərhələ Qəzza şəhərində başlayacaq, sonra isə mərkəzi bölgələrdəki fələstinli qaçqın düşərgələrinə uzanacaq.