BAKI, AzerVoice, Nailə Babazadə
Fransa Səhiyyə Nazirliyi ölkənin bütün xəstəxanalarına 2026-cı ilin mart ayına qədər Avropada genişmiqyaslı silahlı münaqişə ehtimalı ilə bağlı fövqəladə planlar hazırlamağı tapşırıb.
AzerVoice xəbər verir ki rəsmi sənədlərə əsasən, regional tibb müəssisələri 10 mindən 50 minədək yaralı NATO və Fransa hərbçisini qəbul edib, onların müalicəsini 10 gündən 180 günədək təmin edə biləcək səviyyəyə gətirilməlidir.
Səhiyyə naziri Ketrin Votrən bildirib ki, bu addım COVID-19 pandemiyasından çıxarılan dərslərlə bağlıdır: həmin dövrdə Fransa gözlənilməz vəziyyətə hazır olmadığını göstərmişdi.
Rəsmilərin sözlərinə görə, belə bir ssenari “az ehtimallı, lakin mümkün” hesab olunur. Buna görə də hökumət səhiyyə sisteminin imkanlarını əvvəlcədən genişləndirməyi və fəaliyyətini koordinasiya etməyi zəruri sayır.
