Bakı, AzerVoice, Orxan Qədirzadə
Səudiyyə Ərəbistanının 2026-cı il üçün proqnozlaşdırılan gəlirləri 1,15 trilyon rial (310 milyard dollar) təşkil edəcək. Bu, 2025-ci il üzrə gözlənilən göstəricidən 5,1 faiz çoxdur və Krallığın iqtisadiyyatın şaxələndirilməsi istiqamətində apardığı siyasətin müsbət nəticələrini əks etdirir.
AzerVoice xəbər verir ki, büdcə çərçivəsi çərşənbə axşamı Dammamda keçirilən hökumət iclasında vəliəhd şahzadə Məhəmməd bin Salman tərəfindən təsdiqlənib. Maliyyə Nazirliyinin dərc etdiyi Büdcə Bəyanatına əsasən, 2026-cı ildə dövlət xərcləri 1,31 trilyon rial səviyyəsində müəyyənləşib ki, bu da 2025-ci il üçün nəzərdə tutulan 1,34 trilyon rialdan bir qədər aşağıdır.
Hökumət bildirir ki, növbəti üç il ərzində fiskal siyasət balanslı xərcləmə, qeyri-neft sektorunun genişləndirilməsi və ÜDM-in davamlı artımının təmin olunmasına fokuslanacaq.
