BAKI,VOA

İtaliyanın Baş naziri Ciorgia Meloni ABŞ və İsrailin İrana qarşı həyata keçirdiyi hücumları nə pisləmək, nə də dəstəkləmək üçün kifayət qədər məlumata malik olmadığını bildirib.

VOA xəbər verir ki, Meloni ABŞ və İsrailin 28 fevralda İrana hücumları ilə başlayan və Tehran rəhbərliyinin cavab tədbirləri gördüyü Yaxın Şərqdəki böhran barədə danışıb.

ABŞ və İsrailin hücumları qarşısında “səssiz qalması” ilə bağlı tənqidlərə cavab verən Meloni belə deyib:

“Tam olaraq səssiz biri olmadığım üçün (hücumları) nə dəstəkləyirəm, nə də pisləyirəm. Çünki qəti mövqe tutmaq üçün lazım olan məlumatlara obyektiv şəkildə sahib deyiləm. Avropada da demək olar ki, heç kim bu məlumatlara malik deyil. Onsuz da İspaniyanın Baş naziri istisna olmaqla, bu təşəbbüsü pisləyən olmadı, eyni şəkildə heç kim də münaqişəyə qoşulmur.”

Meloni qeyd edib ki, ABŞ və İsrail hücumlarının İranın nüvə proqramı ilə bağlı razılaşmanın əldə olunmamasının nəticəsi olduğunu bildirir. O, həmçinin İtaliyanın münaqişəyə qoşulmaq və tərəf olmaq niyyətinin olmadığını bir daha vurğulayıb.

Baş nazir, İtaliyanın müdafiə naziri Guido Crosettonun 5 mart tarixində “ABŞ və İsrail beynəlxalq hüquqdan kənar hərəkət edir” fikrinin soruşulmasına cavab olaraq bu mövqe ilə razılaşdığını bildirib və əlavə edib:“Düşünürəm ki, beynəlxalq hüquq qaydalarının obyektiv şəkildə çökməsi ilə üz-üzəyik.”

Meloni həmçinin Yaxın Şərqdəki böhranın benzin və ərzaq məhsullarında haqsız qiymət artımına səbəb olub-olmadığını izləmək üçün monitorinq mexanizmi yaratdıqlarını bildirib.