BAKI,VOA, Fərid Mikayılov

ABŞ prezidenti Donald Tramp Macarıstanın baş naziri Viktor Orbanı dəstəklədiyini açıqlayıb.

VOA xəbər verir ki, Tramp sosial media hesabında paylaşdığı mesajda bildirib ki, Orban ölkəsini qorumaq və iqtisadiyyatı inkişaf etdirmək üçün yorulmadan çalışır.

O qeyd edib ki, Orban “əlamətdar nəticələr əldə etmək üzrə sübut olunmuş təcrübəyə malikdir” və Macarıstanın inkişafı üçün mühüm addımlar atır.

Tramp əlavə edib ki, Orbanın fəaliyyəti nəticəsində ABŞ ilə Macarıstan arasında münasibətlər onun prezidentliyi dövründə yeni səviyyəyə yüksəlib.

ABŞ prezidenti vurğulayıb ki, iki ölkə arasında əməkdaşlığın daha da genişlənməsi üçün Orbanla işləməyə davam etməyi planlaşdırır.

Tramp, həmçinin 12 aprel tarixində keçiriləcək seçkilər ərəfəsində Orbanın yenidən baş nazir seçilməsi üçün ona “tam və qətiyyətli” dəstək verdiyini bildirib.