BAKI, VOA, Orxan Qədirzadə
ABŞ Mərkəzi Komandanlığının rəhbəri İsrailə səfər edərək iki ölkə arasında birgə hərbi planların təsdiqi istiqamətində görüşlər keçirib.
VOA xəbər verir ki, İsrail mediasının məlumatına görə, səfər çərçivəsində qarşıdakı günlər üçün hazırlanan əməliyyat planları müzakirə olunub və tərəflər arasında hərbi əməkdaşlığın genişləndirilməsi məsələləri nəzərdən keçirilib.
Məlumata əsasən, İsrail ordusu ABŞ ilə koordinasiyalı şəkildə yeni hücum planları hazırlayıb. Bu planların əsas istiqamətlərindən biri kimi İranın hərbi sənaye obyektlərinin hədəfə alınması nəzərdə tutulur.
Bildirilib ki, İsrail Baş Qərargah rəisi qarşıdakı mərhələdə hücumların daha çox İranın ağır hərbi sənaye infrastrukturu üzərində cəmləşdirilməsinə dair qərarı təsdiqləyib.
