BAKI,VOA,Yusif Şərifzadə
Pakistanın baş naziri Şahbaz Şərif ABŞ–İran xətti üzrə hazırlanan sülh sazişinin “imzalanmağa hazır” olduğunu və çox qısa zamanda yekunlaşdırıla biləcəyini bildirib.
VOA xəbər verir ki, Şahbaz Şərif bu açıqlamanı Qətər Dövlətinin baş naziri və xarici işlər naziri Şeyx Məhəmməd bin Əbdülrəhman bin Cəssim Al Tani ilə telefon danışığı zamanı verib.
Pakistan baş naziri Qətərin böhran dövründə göstərdiyi diplomatik dəstəyə görə təşəkkür edib və regional sabitliyin təmin olunmasında vasitəçilik rolunu yüksək qiymətləndirib.
Qətər tərəfi isə Pakistanın vasitəçilik səylərini müsbət qiymətləndirərək, əldə olunacaq razılaşmanın regionda davamlı sülhə töhfə verəcəyinə ümid etdiyini bildirib.
Tərəflər yaxın günlərdə əlaqələri davam etdirmək barədə razılığa gəliblər.
