BAKI,VOA,Yusif Şərifzadə
İtaliyanın Baş naziri Corcia Meloni ölkəsinin İrana qarşı hərbi əməliyyatlarda iştirak etməyəcəyini bir daha bəyan edib.
VOA xəbər verir ki, Meloni bu barədə Ankarada keçirilən Şimali Atlantika Müqaviləsi Təşkilatının zirvə toplantısı çərçivəsində jurnalistlərə açıqlamasında danışıb.
Baş nazir bildirib ki, İranda qarşıdurma başlayandan bəri İtaliyanın mövqeyi dəyişməyib və Roma İrana qarşı hərbi hücumlarda iştirak etməyəcək.
Meloni xatırladıb ki, mart ayında İtaliya Yaxın Şərqə istiqamətlənən ABŞ hərbi təyyarələrinin Siciliya adasında yerləşən Siqonella hərbi hava bazasına enməsinə icazə verməmişdi.
Onun sözlərinə görə, İtaliya bölgədə gərginliyin daha da artmasını istəmir və mövcud mövqeyini qorumaqda davam edəcək.
