İsrail ehtiyatda olan hərbçilərin səfərbərliyini daha iki ay uzadıb

İsrail parlamentinin Xarici Əlaqələr və Müdafiə Komitəsi fövqəladə hərbi səfərbərliyin müddətini daha iki ay uzadıb. Qərar 4 lehinə və 2 əleyhinə səslə qəbul edilib. Yeni qərara əsasən, səfərbərlik sentyabrın 30-dək qüvvədə olacaq. İsrail ordusu bu müddət ərzində 240 minədək ehtiyatda olan hərbçini xidmətə çağıra biləcək. Bu cür qərarlar 2023-cü ildə Qəzza zolağında müharibə başlayandan bəri müntəzəm şəkildə qəbul edilir. Səfərbərlik ordunun əməliyyat imkanlarının qorunmasına yönəlib.

3 Avqust 2026 18:50

BAKI,VOA,Yusif Şərifzadə

İsrail parlamentinin Xarici Əlaqələr və Müdafiə Komitəsi hökumətin fövqəladə hərbi səfərbərliyin müddətinin uzadılması ilə bağlı müraciətini təsdiqləyib.

VOA xəbər verir ki, komitə hökumətin müraciətini 4 lehinə, 2 əleyhinə səslə qəbul edib.

Qərara əsasən, fövqəladə hərbi səfərbərlik 30 sentyabr tarixinədək uzadılıb.

Bu qərar İsrail ordusuna ehtiyatda olan 240 minədək hərbi qulluqçunu xidmətə çağırmaq səlahiyyəti verir.

İsraildə bu cür səfərbərlik müddətlərinin uzadılması 2023-cü ildə Qəzza zolağında müharibə başlayandan bəri mütəmadi olaraq bir neçə aydan bir təsdiqlənir.