Pakistanın Birləşmiş Millətlər Təşkilatındakı daimi nümayəndəsi Asim İftixar Əhməd Pakistan, Səudiyyə Ərəbistanı və Türkiyə arasında imzalanmış yeni üçtərəfli müdafiə sazişini "son həftələrin ən mühüm hadisələrindən biri" kimi dəyərləndirib. Diplomat bildirib ki, bu sənəd regional təhlükəsizlik əməkdaşlığında tarixi bir mərhələni təşkil edir.
Məkkə Birgə Müdafiə Sazişinə hansı ölkələr qatıla bilər – Prezident Ərdoğan açıqladı
Avqustun 7-də Səudiyyə Ərəbistanının Vəliəhdi Məhəmməd bin Salman, Türkiyə Prezidenti Rəcəb Tayyib Ərdoğan və Pakistanın Baş naziri Şahbaz Şərif tərəfindən imzalanan Məkkə Birgə Müdafiə Sazişi 2025-ci ilin sentyabrında Pakistan və Səudiyyə Ərəbistanı arasında bağlanan Strateji Qarşılıqlı Müdafiə Razılaşmasının məntiqi davamıdır.
Sazişin şərtlərinə əsasən, üç dövlətdən hər hansı birinə qarşı edilən silahlı hücum NATO-nun əsasını təşkil edən kollektiv müdafiə prinsipində olduğu kimi, hər üç dövlətə edilmiş hücum sayılacaq.
Hər üç ölkənin rəsmiləri bu sazişin müdafiə xarakterli olduğunu və hansısa başqa bir dövləti hədəf almadığını qeyd edirlər.
"Bu saziş İslam dünyasının üç əsas və aparıcı ölkəsini - Pakistan, Türkiyə və Səudiyyə Ərəbistanını tamamilə aydın bir məqsəd ətrafında birləşdirir. Sənəd müdafiə xarakterlidir və çəkindirici gücə malikdir. Əsas məqsəd regional sülhü, təhlükəsizliyi və inkişafı gücləndirmək, eləcə də bu dəyərləri təşviq etməkdir ", - deyə Əhməd vurğulayıb.
O, üçtərəfli çərçivənin mahiyyətinin Türkiyə və Səudiyyə Ərəbistanı rəhbərlərinin bəyanatlarında, həmçinin Pakistanın Baş nazirinin müavini və xarici işlər nazirinin çıxışlarında aydın əks olunduğunu və sənədin arxasında duran real niyyətin ortada olduğunu bildirib.
"Saziş heç bir üçüncü ölkəyə qarşı yönəlməyib", - deyə qeyd edən Əhməd "Bu addımı son dərəcə müsbət bir yanaşma ilə atıldığını əalvə edib.
Pakt diplomatın mürəkkəb və ziddiyyətli kimi dəyərləndirdiyi regional və geopolitik mühitdə ortaq məsuliyyət hissindən və sabitləşdirici rol oynamaq arzusundan qaynaqlanır.
"Sabitlik, qarşılıqlı inam və etimadın möhkəmləndirilməsi regionun və onun hüdudlarından kənarın dinc, firavan gələcəyi üçün əsas şərtdir.Düşünürəm ki, bu üç ölkəni bir araya gətirən də məhz həmin amildir" - deyə Əhməd bildirib.
Diplomat əlavə edib ki, saziş qapalı bir alyans deyil, potensial olaraq genişlənə bilən açıq və əhatəli bir çərçivə kimi hazırlanıb.
