BAKI,VOA Orxan Qədirzadə
ABŞ federal məhkəməsi Donald Tramp administrasiyasının Harvard Universitetinə qarşı qaldırdığı iddianı yetərli sübut olmadığı üçün rədd edib.
Məhkəmə universitetdə fələstin tərəfdarı etirazlar zamanı antisemitizm və yəhudilərə qarşı ayrı-seçkiliyə yol verildiyi barədə hökumətin təqdim etdiyi faktların ayrı-ayrı və təcrid olunmuş hadisələr olduğunu bildirib. Hakim Riçard Sterens bu halların federal mülki hüquqlar qanununun davamlı şəkildə pozulduğunu sübut etmədiyini qeyd edib.
Qərar Tramp administrasiyasının ABŞ-ın ən nüfuzlu universitetlərindən biri olan Harvard üzərində təzyiq siyasətinə zərbə kimi qiymətləndirilir. Administrasiya daha əvvəl universitetin maliyyələşdirilməsini azaltmaq və dayandırmaqla bağlı addımlar atmışdı.
