BAKI,VOA Orxan Qədirzadə
Cənubi Afrikada miqrantlara, xüsusilə digər Afrika ölkələrinin vətəndaşlarına qarşı düşmənçilik və zorakılıq halları yenidən artıb. Ölkədə miqrantlar işsizlik, yoxsulluq və ictimai xidmətlərdəki problemlər kimi sosial-iqtisadi çətinliklərdə günahlandırılır.
Miqrantlara qarşı etirazların bir hissəsi zorakılıq, qarət və məcburi köçürmə halları ilə nəticələnib. Hüquq müdafiə təşkilatları bəzi bölgələrdə hücumların sistemli xarakter aldığını bildirir.
Mütəxəssislər isə miqrantların ölkənin dərin iqtisadi və sosial problemlərinə görə “günah keçisi”nə çevrildiyini vurğulayırlar. Cənubi Afrika hökuməti miqrantlara qarşı zorakılığın qanunsuz olduğunu bildirərək, qeyri-qanuni miqrasiyaya qarşı mübarizənin yalnız qanuni yollarla aparılmalı olduğunu açıqlayıb.
