BAKI,VOA, Fərid Mikayılov

Almaniyanın xarici işlər naziri Yohann Vadeful Ukraynanın Müstəqillik Günü ərəfəsində Kiyevə səfər edib.

VOA xəbər verir ki, səfər çərçivəsində Ukrayna ordusuna hərbi dəstək və Berlin-Kiyev arasında təhlükəsizlik sahəsində əməkdaşlığın genişləndirilməsi məsələləri müzakirə olunacaq.

Səfərin əsas gündəmində Ukraynanın qarşıdakı qışa hazırlığı da yer alır. Bu çərçivədə generatorlar, ehtiyat hissələri və digər enerji texnologiyalarının təqdim edilməsi, enerji sektoruna dəstək və kritik infrastrukturun qorunması məsələlərinə diqqət yetiriləcək.

Qeyd edək ki, Ukraynanın Müstəqillik Günü avqustun 24-də qeyd olunur.

Vadeful daha əvvəl Avropa siyasətçilərini Ukrayna üzrə danışıqlar prosesinə daha fəal dəstək verməyə çağırıb.