Bakı,AzerVoice

Yeddi ölkədə Ağciyər xərçənginə qarşı ilk peyvənd sınaqları keçiriləcək.

AzerVoice xəbər verir ki, mütəxəssislər bu peyvəndin minlərlə insanın həyatını xilas edə biləcəyini bildirirlər.

Ağciyər xərçəngi xərçəng xəstəlikləri arasında ən çox ölümlə nəticələnən xəstəlik olaraq bilinir.

Bu xəstəlik səbəbindən hər il 1,8 milyon insan həyatını itirir.

BNT116 kimi tanınan peyvənd BioNTech şirkəti tərəfindən istehsal olunub.

BNT116 - nın ilk klinik sınağı olan Faza 1 Böyük Britaniya, ABŞ, Almaniya, Macarıstan, Polşa, İspaniya və Türkiyədə 34 mərkəzdə tədqiqata başlayacaq.

Erkən mərhələdə olan xərçəng xəstələri ilə təkrarlanan xərçəng halları da daxil olmaqla 130 xəstə bu sınaqda iştirak edəcək.

Mütəxəssislər BNT116 peyvəndinin kimyaterapiyadan daha təhlükəsiz olduğunu bildirirlər.

Qeyd edək ki, bu peyvənd vasitəsiylə sağlam hüceyrələrə zərər vermədən insanın immun sisteminin gücləndirilməsi planlaşdırılır.