BAKI, AzerVoice, Nailə Babazadə

Uqandada baş verən ağır yol qəzası nəticəsində ən azı 63 nəfər həyatını itirib, onlarla insan isə yaralanıb.

AzerVoice xəbər verir ki, Uqanda Polis Xidmətinin məlumatına görə, qəza bu gün yerli vaxtla saat 00:15 radələrində Kampala–Qulu magistral yolunda baş verib. İki sərnişin avtobusu iki başqa avtomobili ötməyə çalışarkən bir-biri ilə toqquşub, nəticədə yolda zəncirvari qəza yaranıb.

Rəsmilərin bildirdiyinə görə, toqquşan nəqliyyat vasitələrindəki sərnişinlərin əksəriyyəti hadisə yerindəcə dünyasını dəyişib. Bütün avtobus sərnişinlərinin həyatını itirdiyi ehtimal olunur.

Yaralılar Qərbi Uqandadakı Kiryandongo şəhər xəstəxanasına yerləşdirilib.

Hadisə yerindən yayılan görüntülərdə, toqquşan avtomobillərin tamamilə dağıldığı və tanınmaz hala düşdüyü görünür.

Polis hadisə ilə bağlı istintaq başladığını və qəzanın səbəblərinin ətraflı araşdırıldığını bildirib