BAKI, AzerVoice, Nailə Babazadə
ABŞ Prezidenti Donald Tramp, Budapeştdə keçirilməsi planlaşdırılan, lakin ləğv edilən Rusiya Prezidenti Vladimir Putinlə görüşü barədə danışıb.
AzerVoice xəbər verir ki, Tramp, NATO Baş katibi Mark Rutteni Ağ Evdə qəbul edərkən mətbuat nümayəndələrinin suallarını cavablandırıb və gündəmi dəyərləndirib.
O, Putinlə keçirilməsi gözlənilən, lakin son anda ləğv olunan sammitlə bağlı açıqlama verib.
“Prezident Putinlə olan görüşü ləğv etdim, çünki mənə doğru gəlmədi. Qarşımıza qoyduğumuz məqsədə çata biləcəyimizi düşünmədim. Buna görə ləğv etdim, amma gələcəkdə bu görüş baş tutacaq.” - deyə Tramp qeyd edib.
Tramp, Rusiya və Ukraynanın razılığa gələ bilməməsindən böyük məyusluq hissi keçirdiyini bildirərək, Moskva üzərinə iqtisadi sanksiyalarla daha sərt mesajlar veriləcəyini də ima edib.
