BAKI, AzerVoice, Nailə Babazadə
ABŞ Prezidenti Donald Tramp bildirib ki, Asiya turu çərçivəsində Çin Prezidenti Si Cinpin ilə keçirəcəyi görüşdə Tayvan məsələsi də müzakirə olunacaq mövzular arasında yer alacaq.
AzerVoice xəbər verir ki, Tramp həmçinin Honq-Konqda həbsdə olan media maqnatı Cimmi Layın azadlığa buraxılmasının vacibliyini vurğulayıb.
ABŞ lideri Vaşinqtonu tərk edərək Asiya səfərinə – hakimiyyətə qayıtdıqdan sonra ilk Asiya turuna başlamazdan öncə Şimali Koreya lideri Kim Çen In ilə görüşmək arzusunu da ifadə edib.
Ağ Evdə jurnalistlərin sualını cavablandıran Tramp, Kimlə görüş ehtimalı barədə deyib:
“Mən istərdim, o da bilir ki, biz ora gedirik,” - deyə Tramp qeyd edib. O əlavə edib ki, 2019-cu ildə sonuncu dəfə görüşdüyü Şimali Koreya lideri ilə razılaşdığı məsələlər mövcuddur.
