BAKI, AzerVoice, Nailə Babazadə

Vyetnamın orta bölgələrində son günlər təsirini artıran şiddətli yağışlar sel və torpaq sürüşmələrinə səbəb olub. Yerli hakimiyyət orqanları bildirir ki, bu fəlakətlər nəticəsində ölənlərin sayı 36-ya çatıb.

AzerVoice xəbər verir ki, rəsmi məlumatlara görə, 5 nəfər hələ də itkindir, 60 nəfər isə müxtəlif dərəcələrdə xəsarət alıb. Sel və torpaq sürüşmələri səbəbindən 120 mindən çox ev su altında qalıb, bəzi yollar hələ də nəqliyyat üçün bağlıdır.

Vyetnam Meteorologiya İdarəsi 28 oktyabrda Hue şəhərində 24 saat ərzində rekord səviyyədə yağış qeydə alındığını açıqlamışdı. Proqnozlara görə, şiddətli yağışların 4 noyabr gecəsinə qədər davam etməsi gözlənilir.

Hakimiyyət orqanları vətəndaşları diqqətli olmağa və zəruri qabaqlayıcı tədbirlər görməyə çağırıb.