BAKI, AzerVoice, Nailə Babazadə
Almaniya Baş naziri Fridrix Merts, Suriya Prezidenti Əhməd Əş-Şəraayı ölkənin sabitliyinə töhfə vermək və Almaniyada yaşayan suriyalıların vətənə qayıtması məsələlərini müzakirə etmək üçün Almanyaya dəvət etdiyini açıqlayıb.
AzerVoice xəbər verir ki,Merts, Şlesviq-Holşteyn əyalətinə səfəri zamanı verdiyi açıqlamada, Suriya ilə bağlı deportasiya planlarını da qeyd edərək bildirib ki, “Əlbəttə, cinayətkarları Suriyaya deportasiya etməyə davam edəcəyik. Plan budur və indi bunu konkret şəkildə həyata keçirəcəyik. Daxili İşlər Naziri bu məsələ üzərində işləyir.”
Baş nazir Suriya daxilindəki münaqişənin sona çatdığını vurğulayaraq, Almaniyada artıq sığınacaq hüququnun olmadığını və deportasiyalara başlanıla biləcəyini söyləyib. O əlavə edib ki, hazırda Suriyada olan qaçqınların böyük bir hissəsi könüllü olaraq ölkəyə qayıdıb yenidənqurma işlərində iştirak edəcək: “Bu insanlar olmadan yenidənqurma mümkün deyil. Almaniyada olan və ölkəyə qayıtmaqdan imtina edənlər isə yaxın gələcəkdə deportasiya edilə bilərlər.”
