BAKI, AzerVoice, Nailə Babazadə
Banqladeşdə məhkəmə ölkənin sabiq baş naziri, hazırda Hindistanda yaşayan Şeyx Hasinanı “insanlığa qarşı cinayətlər”də təqsirli bularaq ölüm cəzasına məhkum edib.
AzerVoice xəbər verir ki,Dəkkədə keçirilən dinləmədə hakim Qulam Murtuza Muzumdir bildirib ki, 78 yaşlı Hasina 2024-cü il tələbə üsyanı zamanı baş verən zorakılıqlara görə “qətl əmrini vermək, təşviqat aparmaq və müdaxilə etməmək” kimi üç ayrı maddə üzrə günahkar bilinib. “Cəza – edam”, – deyə hakim elan edib.
Hasina ittihamları rədd edir və ötən ilin avqustunda hakimiyyətdən uzaqlaşdırıldıqdan sonra Hindistana qaçıb. Hökm öncəsi Dəkkədə və digər bölgələrdə təhlükəsizlik tədbirləri gücləndirilib, sərhəd bölgələrində əlavə qüvvələr yerləşdirilib.
