BAKI, AzerVoice, Nailə Babazadə
İranın xarici işlər naziri Abbas Əraqçi bu həftə Fransa ilə ikitərəfli məsələlər, həmçinin regional və beynəlxalq inkişaflarla bağlı danışıqlar aparmaq məqsədilə Parisə səfər edəcək.
AzerVoice xəbər verir ki, İran Xarici İşlər Nazirliyinin sözçüsü İsmail Baqai bazar ertəsi axşam açıqlayıb ki, Əraqçi bu həftə Fransaya səfər edəcək.
Haaqada Kimyəvi Silahların Qadağan edilməsi Təşkilatının (OPCW) illik toplantısında iştirak etdikdən sonra, xarici işlər naziri fransalı həmkarının dəvəti ilə Parisə yola düşəcək.
Bəqainin sözlərinə görə, səfər çərçivəsində ikitərəfli məsələlər — o cümlədən eləcə də regional və beynəlxalq proseslər müzakirə olunacaq.
Nazirlik sözçüsü bildirib ki, İranın digər ölkələrlə qarşılıqlı hörmət əsasında münasibət qurmaq və mövqelərini açıq şəkildə ifadə etmək kimi prinsipal yanaşması bu görüşlərdə də davam etdiriləcək. O qeyd edib ki, səfər zamanı İranın mövqeləri və xalqın qanuni tələbləri Fransa tərəfinə aydın şəkildə çatdırılacaq. Bunlara Fələstin və Livanda sionist rejim tərəfindən törədilən cinayətlərlə bağlı mövqe, nüvə məsələsi və digər mühüm beynəlxalq mövzular da daxildir.
