Səudiyyə Ərəbistanı və Əlcəzair nazirləri regional gərginliyi və ikitərəfli əlaqələri müzakirə ediblər
Səudiyyə Ərəbistanının xarici işlər naziri Şahzadə Feysəl bin Fərhan bin Abdullah şənbə günü "Antalya Diplomatik Forumu 2026" çərçivəsində Əlcəzairin dövlət naziri, xarici işlər, xaricdəki milli birlik və Afrika məsələləri naziri Əhməd Attaf ilə görüşüb. Görüş zamanı nazirlər iki ölkə arasındakı mövcud ikitərəfli münasibətləri nəzərdən keçirib, həmçinin regionda baş verən ən son hadisələri və qarşılıqlı maraq doğuran məsələləri ətraflı müzakirə ediblər.
Ərdoğan Pezeşkiana telefon danışığında nələri təklif edib?
Türkiyə Prezidenti Rəcəb Tayyib Ərdoğan iranlı həmkarı Məsud Pezeşkian ilə telefon danışığı aparıb. Türkiyə Prezident Administrasiyasının yaydığı rəsmi məlumata görə, Ərdoğan regionda sabitliyin təmin olunması üçün diplomatik fürsətlərin vacibliyini vurğulayıb. Prezident Ərdoğan danışıq zamanı qeyd edib ki, hazırda davam edən sülh danışıqlarından regionda daimi sülh və sabitliyə nail olmaq üçün maksimum dərəcədə istifadə edilməlidir.
Türkiyə və İspaniya regional sabitlik üçün diplomatik təmasları intensivləşdirir
Türkiyənin Xarici İşlər naziri Hakan Fidan ispaniyalı həmkarı Xose Manuel Albares ilə telefon danışığı aparıb. Türkiyə Xarici İşlər Nazirliyindəki mənbələrdən əldə edilən məlumata görə, tərəflər regionda sürətlə dəyişən son vəziyyəti və diplomatik prosesləri geniş şəkildə dəyərləndiriblər.
Hakan Fidan britaniyalı həmkarı ilə regional müharibəni müzakirə edib
Türkiyənin xarici işlər naziri Hakan Fidan regionda gərginliyin hərbi qarşıdurma həddinə çatdığı bir vaxtda Birləşmiş Krallığın xarici işlər naziri İvet Kuper ilə mühüm telefon danışığı aparıb. Görüşdə əsas diqqət regionu bürüyən müharibənin dayandırılması və beynəlxalq təhlükəsizliyin qorunması istiqamətində atılacaq təcili addımlara yönəlib.
Şahzadə Feysəl bin Fərhan və Sergey Lavrov regional gərginliyi müzakirə ediblər
Səudiyyə Ərəbistanının xarici işlər naziri şahzadə Feysəl bin Fərhan bin Abdullah ilə Rusiyanın xarici işlər naziri Sergey Lavrov arasında telefon danışığı baş tutub. Səudiyyə Press Agentliyinin (SPA) çərşənbə axşamı yaydığı məlumata görə, tərəflər Yaxın Şərqdə sürətlə dəyişən vəziyyəti və son regional hadisələri ətraflı nəzərdən keçiriblər. Bu diplomatik təmas regionun müxtəlif hissələrində gərginliyin pik həddə çatdığı və beynəlxalq oyunçuların münaqişənin dayandırılması üçün səylərini artırdığı bir dövrə təsadüf edir.
Regional müharibə bütün Yaxın Şərqi bürümədən dayandırılmalıdır - Ərdoğan
Türkiyə Prezidenti Rəcəb Tayyib Ərdoğan çərşənbə günü verdiyi bəyanatda Yaxın Şərqin böyük hissəsini əhatə edən müharibənin qlobal iqtisadiyyata vurduğu zərərin artdığını və bu prosesin bütün regionu alova bürümədən dayandırılmasının vacibliyini vurğulayıb. Regionun yenidən qan və barıt qoxusuna büründüyünü bildirən Ərdoğan, diplomatiyaya şans veriləcəyi təqdirdə sülhün mümkünlüyünə inandığını qeyd edib. Bu çağırış İranın xarici işlər naziri Abbas Əraqçinin Vaşinqtonla danışıqlar aparmaqdan imtina etməsi və Tehranın amerikalılarla dialoqda "çox acı təcrübəyə" malik olduğunu bildirməsindən bir gün sonraya təsadüf edir.
Səudiyyə Ərəbistanı və Pakistan İran hücumlarını müzakirə edib
Səudiyyə Ərəbistanının müdafiə naziri Şahzadə Xalid bin Salman Pakistan Silahlı Qüvvələrinin Baş Qərargah rəisi Asim Munirlə Yaxın Şərqdə artan hərbi gərginlik fonunda İranın krallığa qarşı həyata keçirdiyi hücumları müzakirə edib. Şahzadə Xalid şənbə günü sosial şəbəkədə paylaşım edərək bildirib ki, tərəflər İranın hücumlarını və bu hücumların dayandırılması üçün Birgə Strateji Müdafiə Sazişi çərçivəsində görülməsi zəruri olan tədbirləri müzakirə ediblər. O qeyd edib ki, bu cür hərəkətlər regional təhlükəsizlik və sabitliyi zəiflədir və İranın müdriklik göstərərək yanlış addımlardan çəkinəcəyinə ümid etdiklərini vurğulayıblar.
Türkiyə və İtaliya arasında kritik telefon diplomatiyası: Gündəm İrandır
Türkiyə Prezidenti Rəcəb Tayyib Ərdoğan İtaliya baş naziri Georgia Meloni ilə telefon görüşməsi keçirib. Liderlər görüş zamanı Türkiyə–İtaliya ikitərəfli əlaqələri ilə yanaşı, regionda davam edən münaqişəli proseslərin gedişatı başda olmaqla, regional və qlobal məsələləri ətraflı müzakirə ediblər. Prezident Ərdoğan Türkiyə və İtaliya arasındakı əməkdaşlığı ticarət sahəsi başda olmaqla, hər bir istiqamətdə daha da irəliyə aparmaq üçün çalışdıqlarını ifadə edib.
Hakan Fidan iranlı həmkarı ilə raket insidentini müzakirə edib
Türkiyənin xarici işlər naziri Hakan Fidan ilə İranın xarici işlər naziri Abbas Araqçi arasında telefon danışığı baş tutub. Diplomatik mənbələrdən əldə edilən məlumata görə, nazir Fidan İrandan atılan və Türkiyənin hava məkanına yönəldiyi təsbit edilərək zərərsizləşdirilən ballistik sursatla bağlı Ankaranın kəskin etirazını qarşı tərəfə çatdırıb. Görüş zamanı Hakan Fidan Yaxın Şərqdəki gərginliyin təhlükəli həddə çatdığına diqqət çəkib. O vurğulayıb ki, münaqişələrin daha da genişlənməsinə və regionun sabitliyinin pozulmasına səbəb olacaq hər növ addımdan qaçınmaq lazımdır. Türkiyə tərəfi öz hava məkanının toxunulmazlığını qorumaq üçün bütün zəruri tədbirləri görəcəyini bir daha iranlı nazirin diqqətinə çatdırıb.
Hakan Fidan ABŞ-ın Suriya üzrə xüsusi nümayəndəsini qəbul edib
Türkiyənin xarici işlər naziri Hakan Fidan ABŞ-ın Ankara üzrə səfiri və Suriya üzrə xüsusi nümayəndəsi Tom Barrak ilə görüşüb. Türkiyə Xarici İşlər Nazirliyindən əldə edilən məlumata görə, Ankarada baş tutan görüşdə regional təhlükəsizlik məsələləri və Suriyadakı son vəziyyət müzakirə olunub. Görüşün detalları barədə geniş məlumat verilməsə də, tərəflərin bölgədəki diplomatik koordinasiya mövzusunda fikir mübadiləsi apardıqları bildirilir.
BMT və regional güclər hərəkətdə: Pakistan-Əfqanıstan böhranı üçün diplomatiya marafonu
BMT-nin Baş katibi Antonio Quterreş, Pakistan və Əfqanıstan arasındakı sərhəd toqquşmalarını dərin narahatlıqla izlədiyini bildirib. O, hər iki tərəfi beynəlxalq hüquq çərçivəsindəki öhdəliklərinə əməl etməyə və mülki şəxslərin qorunmasını təmin etməyə səsləyib. Eyni zamanda, Türkiyənin xarici işlər naziri Hakan Fidan gərginliyi azaltmaq üçün Pakistan, Əfqanıstan, Qətər və Səudiyyə Ərəbistanlı həmkarları ilə intensiv telefon diplomatiyası apararaq regional sülhün qorunması yollarını müzakirə edib.
Türkiyə ilə Səudiyyə regional məsələləri müzakirə edib
Türkiyənin xarici işlər naziri Hakan Fidan Səudiyyə Ərəbistanının xarici işlər naziri Faysal bin Fərhan Əl Səud ilə telefon danışığı aparıb. Türkiyə Xarici işlər nazirliyindəki mənbələrin verdiyi məlumata görə, söhbət zamanı iki ölkə arasında münasibətlər, eləcə də regional məsələlər müzakirə olunub. Tərəflər qarşılıqlı əməkdaşlığın mövcud vəziyyətini və gələcək perspektivlərini nəzərdən keçirib, bölgədəki son hadisələr ətrafında fikir mübadiləsi aparıblar.
