Abbas Əraqçi ikitərəfli və regional məsələləri müzakirə üçün bu həftə Fransaya səfər edəcək
İranın xarici işlər naziri Abbas Əraqçi bu həftə Fransa ilə ikitərəfli məsələlər, həmçinin regional və beynəlxalq inkişaflarla bağlı danışıqlar aparmaq məqsədilə Parisə səfər edəcək. İran Xarici İşlər Nazirliyinin sözçüsü İsmail Baqai bazar ertəsi axşam açıqlayıb ki, Əraqçi bu həftə Fransaya səfər edəcək. Haaqada Kimyəvi Silahların Qadağan edilməsi Təşkilatının (OPCW) illik toplantısında iştirak etdikdən sonra, xarici işlər naziri fransalı həmkarının dəvəti ilə Parisə yola düşəcək.
İran husilərə kimyəvi silah istehsalında kömək edir - Yəmən rəsmisi
Yəmən hökuməti bu gün İranı husilərin nəzarətində olan bölgələrə dəfələrlə zəhərli qazlar və kimyəvi silah istehsalında istifadə olunan maddələri qaçaqmalçılıq yolu ilə göndərməkdə ittiham edib. Hökumətin açıqlamasına görə, İran İslam İnqilabı Keşikçiləri Korpusunun (SEPAH) mütəxəssisləri Yəməndə beynəlxalq miqyasda qadağan olunmuş bu silahların istehsalına yönəlmiş zavodun yaradılmasına birbaşa nəzarət edirlər. Yəmən informasiya naziri Muammar əl-İryani bildirib ki, etibarlı mənbələr husilərin artıq həmin ölümcül maddələri hazırlamağa və onları ballistik raketlərə, həmçinin pilotsuz uçuş aparatlarına yerləşdirməyə başladığını təsdiqləyib. Nazir vurğulayıb ki, beynəlxalq hüquqla qadağan olunmuş silahların husilərin arsenalına daxil edilməsi yalnız ballistik raketlər və dronlarla məhdudlaşmır, bu, həm bölgə, həm də dünya üçün mülki insanların həyatını təhdid edən “fəlakətli ssenarilər” yaradır.
Tanınmış Suriyalı tədqiqatçı Azərbaycan həqiqətlərindən bəhs edən kitabı OPCW səfirinə təqdim edib
Kimyəvi Silahların Qadağan Edilməsi Təşkilatının (OPCW) baş direktoru səfir Fernando Arias, Suriyalı tədqiqatçı və siyasi müşavir Dr. Basil əl-Hac Casim ilə Haaqada görüş keçirib. Kitabın OPCW kitabxanasına qəbul olunması Qarabağ müharibəsi həqiqətlərinin beynəlxalq elmi-siyasi müstəviyə çıxarılması baxımından əhəmiyyətli addım kimi qiymətləndirilir. Azərbaycanla bağlı tarixi və siyasi reallıqların Haaqadakı nüfuzlu beynəlxalq təşkilatın kitabxanasında yer alması ölkəmizin həqiqətlərinin daha geniş auditoriyaya çatdırılmasına imkan yaradır.
