BAKI, AzerVoice, Nailə Babazadə
İran Ali Milli Təhlükəsizlik Şurasının katibi Əli Laricani bildirib ki, Tehran yalnız həqiqi və nəticəsi əvvəlcədən planlaşdırılmamış danışıqları qəbul edə bilər.
AzerVoice xəbər verir ki, Pakistanın paytaxtı İslamabadda, İran səfirliyində regional və beynəlxalq sülh və təhlükəsizlik sahəsində fəaliyyət göstərən beyin mərkəzlərinin rəhbərləri və mütəxəssislərlə görüşündə çıxış edən Laricani vurğulayıb ki, ABŞ özünü bütün qlobal proseslərin mərkəzi kimi təqdim etməyə çalışsa da, bu, “özünü aldatmaqdan” başqa bir şey deyil.
Laricani qeyd edib ki, İran “qurama və süni danışıqları” deyil, yalnız real və tərəflərin iradəsinə əsaslanan müzakirələri qəbul edir və belə proseslərin nəticəsi əvvəlcədən müəyyən olunmamalıdır.
İranlı yüksək rütbəli təhlükəsizlik rəsmisi İslamabada səfəri çərçivəsində Pakistan rəhbərliyinin yüksək səviyyəli rəsmiləri ilə də görüşlər keçirib.
