ABŞ Hərbi Hava Qüvvələrinin nümayiş təyyarəsi qəzaya uğrayıb

ABŞ Hərbi Hava Qüvvələrinin (USAF) nümayiş qrupundakı F-16 tipli bir döyüş təyyarəsinin Kaliforniya ştatının cənubunda qəzaya uğradığı bildirilib. Nellis Hərbi Hava Qüvvələri Bazası tərəfindən verilən açıqlamaya görə, USAF tərkibindəki “Thunderbirds” akrobatika komandasına məxsus F-16C Fighting Falcon döyüş təyyarəsi San-Bernardino bölgəsində Trona Hava Limanı yaxınlığında qəzaya düşüb. San-Bernardino Rayon Yanğınsöndürmə Departamentinin açıqlamasında isə qəzadan əvvəl təyyarədən özünü katapult etməyi bacaran pilotun xəstəxanada müalicə olunduğu bildirilib.

4 Dekabr 2025 09:21

BAKI, AzerVoice, Nailə Babazadə

ABŞ Hərbi Hava Qüvvələrinin (USAF) nümayiş qrupundakı F-16 tipli bir döyüş təyyarəsinin Kaliforniya ştatının cənubunda qəzaya uğradığı bildirilib.

AzerVoice xəbər verir ki, Nellis Hərbi Hava Qüvvələri Bazası tərəfindən verilən açıqlamaya görə, USAF tərkibindəki “Thunderbirds” akrobatika komandasına məxsus F-16C Fighting Falcon döyüş təyyarəsi San-Bernardino bölgəsində Trona Hava Limanı yaxınlığında qəzaya düşüb.

San-Bernardino Rayon Yanğınsöndürmə Departamentinin açıqlamasında isə qəzadan əvvəl təyyarədən özünü katapult etməyi bacaran pilotun xəstəxanada müalicə olunduğu bildirilib.

Açıqlamada, təyyarənin Los-Ancelesdən təxminən 290 kilometr şimalda yerləşən Trona bölgəsində “Kaliforniyadakı idarə olunan hava məkanı üzərində” bir təlim tapşırığında iştirak etdiyi qeyd edilib.

Döyüş təyyarəsinin qəzaya düşmə səbəbini araşdırmaq üçün işlərin davam etdiyi açıqlanıb.

Rəsmi adı “ABŞ Hərbi Hava Qüvvələri Hava Göstəri Filosu” olan və xalq arasında “Thunderbirds” kimi tanınan bu filo, havada yüksək sürətlə və təsirli akrobatik nümayişlər sərgiləyir.