BAKI, AzerVoice, Nailə Babazadə
ABŞ Prezidenti Donald Tramp sosial media hesabında özünü Venesuelanın müvəqqəti prezidenti kimi təqdim edən bir paylaşım edib.
AzerVoice xəbər verir ki, Tramp özünə məxsus Truth Social platformasında Vikipedia məlumatlarına bənzədilmiş bir vizual paylaşıb. Həmin şəkildə Trampın fotosunun altında "Venesuelanın müvəqqəti prezidenti" ifadəsi yer alıb. ŞƏkildə həmçinin "2026-cı ilin yanvarından etibarən vəzifədədir" qeydi və vitse-prezident qismində Ceyms Devid Vensin adı qeyd olunub.
Xatırladaq ki, yanvarın 3-də Venesuelanın paytaxtı Karakasda partlayış və təyyarə səsləri eşidilib. Venesuela rəhbərliyi bu hadisələrdən sonra ABŞ-ı ölkənin müxtəlif bölgələrindəki mülki və hərbi obyektlərə hücum təşkil etməkdə ittiham edib.
Prezident Tramp isə Venesuela lideri Nikolas Maduroya qarşı genişmiqyaslı əməliyyat keçirildiyini, Maduro və həyat yoldaşının ölkədən çıxarıldığını bəyan edib. Eyni zamanda, ABŞ-ın Ədliyyə naziri Pam Bondi Nikolas Maduro və həyat yoldaşı Siliya Floresə qarşı "narkoterrorizm, kokain qaçaqmalçılığı və ABŞ-a qarşı dağıdıcı silahlara sahib olma" ittihamları ilə cinayət işi açıldığını bildirib.
