Venesuelanın müvəqqəti prezidenti ABŞ-dan bütün sanksiyaların ləğvini tələb edib
Venesuelanın keçid dövrü üzrə dövlət başçısı Delsi Rodrigez, paytaxt Karakasda gənc aktivistlərlə keçirilən tədbirdə çıxış edərək ABŞ-a mühüm ismarışlar göndərib. ABŞ-ı "ortaq və dost" kimi xarakterizə edən Rodrigez, ölkəsinə qarşı illərdir tətbiq olunan bütün sanksiyaların və blokadanın dərhal dayandırılmasını tələb edib.
ABŞ Venesueladan 50 milyon barel neft alıb – Tramp açıqladı
ABŞ Prezidenti Donald Tramp Venesueladan aldıqları 50 milyon barel neftin Texas ştatının Hyuston şəhərinə doğru yola salındığını bildirib. Tramp Venesueladan alınan 50 milyon barel neftin artıq daşınmağa başladığını açıqlayıb. Corciya ştatında keçirilən tədbirdə çıxış edən Tramp iqtisadi gündəmlə bağlı fikirlərini bölüşüb.
Meksika ABŞ-ın sanksiyalarına baxmayaraq Kubaya neft tankerləri göndərir
Meksika Prezidenti Klaudiya Şeynbaum ABŞ-ın blokada tətbiq etdiyi Kubaya enerji dəstəyini və humanitar yardımları davam etdirəcəklərini bəyan edib. Milli Sarayda keçirdiyi gündəlik mətbuat konfransında çıxış edən Şeynbaum Venesueladan enerji sevkiyatı kəsilən və çətin günlər keçirən Kubaya həmrəylik mesajı verib. Meksika lideri ölkəsinin xarici siyasətinin qardaşlıq prinsiplərinə əsaslandığını və Kuba xalqı üçün daha yaxşı şəraitin yaradılmasına hər zaman töhfə verməyə hazır olduqlarını vurğulayıb. O qeyd edib ki Meksikanın göndərdiyi neftin həcmi ümumi hasilatın çox kiçik bir hissəsini təşkil etsə də bu addım mənəvi baxımdan böyük əhəmiyyət kəsb edir.
Venesuelanın müvəqqəti dövlət başçısı neft gəlirlərinin səhiyyə və infrastruktur fondlarına köçürüləcəyini açıqlayıb
Venesuelanın müvəqqəti dövlət başçısı Delsi Rodriqes ölkənin neft sənayesinə daha çox xarici investisiyanın cəlb edilməsini nəzərdə tutan islahatların qəbulu üçün parlamentə müraciət edib. ABŞ-ın Venesuelaya qarşı həyata keçirdiyi 3 yanvar hücumundan sonra ilk dəfə xalqa müraciət edən Rodriqes ölkənin neft ehtiyatları ilə bağlı yeni vizyonunu təqdim edib. O, xarici şirkətlərin ölkənin enerji resurslarına çıxışını təmin edəcək hüquqi islahatların vacibliyini vurğulayıb. Rodriqes bildirib ki, Venesuela enerji sektorundan əldə etdiyi məhsulları dünya bazarlarında sərbəst ticarət əlaqələri çərçivəsində sata bilər.
Tramp özünü Venesuelanın müvəqqəti prezidenti elan edib
ABŞ Prezidenti Donald Tramp sosial media hesabında özünü Venesuelanın müvəqqəti prezidenti kimi təqdim edən bir paylaşım edib. Tramp özünə məxsus Truth Social platformasında Vikipedia məlumatlarına bənzədilmiş bir vizual paylaşıb. Həmin şəkildə Trampın fotosunun altında "Venesuelanın müvəqqəti prezidenti" ifadəsi yer alıb. ŞƏkildə həmçinin "2026-cı ilin yanvarından etibarən vəzifədədir" qeydi və vitse-prezident qismində Ceyms Devid Vensin adı qeyd olunub.
Venesuelada 1 ay ərzində seçki olmayacaq - Tramp
ABŞ Prezidenti Donald Tramp Venesuelada 30 gün ərzində yeni seçkilərin keçirilə bilməyəcəyini açıqlayıb. O bildirib ki, əvvəlcə ölkə “sabitləşdirilməli”dir. Tramp həmçinin ABŞ-ın ölkədə uzunmüddətli rol oynayacağını söyləyib. Tramp NBC News-ə verdiyi müsahibədə qeyd edib ki, ABŞ-ın hərbi müdaxiləsi ilə Venesuela Prezidenti Nikolas Maduronun saxlanmasından sonra Vaşinqton ölkədə uzunmüddətli rol oynayacaq.
Elon Mask Venesuelaya pulsuz internet təmin edəcək
ABŞ-nin Venesuelaya əməliyyatına Elon Maskdan dəstək gəldi. Mask Venesuelaya 1 ay ərzində Starlink vasitəsilə pulsuz internet veriləcəyini bildirib. Məşhur milyarder Elon Mask ABŞ-nin yanvarın 3-də Venesuelada həyata keçirdiyi əməliyyatdan sonra, öz şirkəti Starlink vasitəsilə ölkəyə 1 ay pulsuz internet təqdim edəcəyini açıqlayıb. Venesuela Prezidenti Nikolas Maduro və həyat yoldaşı Silia Floresin ABŞ qüvvələri tərəfindən ölkədən çıxarılmasından sonra Mask əməliyyatla bağlı əvvəlcə dəstək mesajı paylaşıb. Maduroya qarşı “amansız bir tiran” ifadəsini işlədən Mask, özünə məxsus X sosial media platformasında “Venesuela artıq layiq olduğu rifaha qovuşa bilər” sözlərini paylaşıb.
ABŞ Venesuelanı bombalayaraq tarixi sınadı - Petro
Kolombiya Prezidenti Gustavo Petro ABŞ-ın Venesuelaya hərbi müdaxiləsini tənqid edib və belə bir hərəkətin dünya tarixində hətta “diktatorlar” tərəfindən belə edilmədiyini bildirib. Petro ABŞ mərkəzli X şirkətinin sosial media hesabından paylaşımında vurğulayıb ki, ABŞ insanlıq tarixində bir Cənubi Amerika ölkəsinin paytaxtını bombalayan ilk ölkədir. “Ne (İsrail Baş Naziri Binyamin) Netanyahu, ne (Nazi diktator Adolf) Hitler, ne (İspan diktatoru Francisco) Franco, ne də (Portuqaliya diktatoru Antonio de Oliveira) Salazar bunu etdi.” - deyə o qeyd edib.
Venesuelaya qarşı deyil, narkotik kartellərinə qarşı mübarizə aparırıq - Rubio
ABŞ-ın dövlət katibi Marko Rubio Venesuelaya qarşı müharibə aparmadıqlarını, narkotik kartellərinə qarşı mübarizə apardıqlarını iddia edərək, iqtisadi blokada vasitəsilə “bu ölkənin gələcək istiqamətinin ABŞ tərəfindən müəyyən ediləcəyini” bildirib. ABŞ-ın Venesuelaya hərbi müdaxiləsi nəticəsində Venesuela Prezidenti Nikolas Maduronun saxlanılması ilə bağlı Amerika mediasına müsahibələr verən Rubio hərbi əməliyyatı müdafiə edib.
ABŞ Karib hövzəsində hava məkanına tətbiq olunan məhdudiyyətləri ləğv edib
ABŞ-ın nəqliyyat naziri Şon Daffi Venesuelaya hərbi müdaxilədən sonra Karib hövzəsində hava məkanına tətbiq olunan məhdudiyyətlərin aradan qaldırıldığını açıqlayıb. Nazir ABŞ mərkəzli X sosial media platformasında paylaşdığı açıqlamada, Karib hövzəsi ətrafındakı hava məkanında dünən tətbiq olunmağa başlayan məhdudiyyətlərin yerli vaxtla saat 00:00-da başa çatacağını və uçuşların bərpa ediləcəyini bildirib. Daffi hava yolu şirkətlərinin məlumatlandırıldığını, vəziyyətdən təsirlənən sərnişinlərin uçuşlarla bağlı aviaşirkətlərdən məlumat almalarının vacib olduğunu qeyd edib.
ABŞ-ın Venesuelaya hərbi müdaxiləsinə etiraz olaraq Ağ Ev qarşısında aksiya keçirilib
ABŞ Prezidenti Donald Tramp administrasiyasının Venesuelaya qarşı hərbi müdaxiləsi və Venesuela Prezidenti Nikolas Maduronun saxlanılmasına etiraz məqsədilə Vaşinqtonda, Ağ Evin qarşısında nümayiş təşkil olunub. ABŞ-ın Venesuelaya hərbi müdaxiləsini pisləmək üçün toplaşan etirazçılar “Neft naminə qan tökülməsin”, “Bu müharibə qanunsuzdur”, “ABŞ, Latın Amerikasından əlini çək” və “Konqres, Trampın müharibəsini dayandır” şüarları yazılmış plakatlar qaldırıblar.
ABŞ Venesuela hava sahəsinə ticarət uçuşlarını dayandırıb
ABŞ Federal Aviasiya İdarəsi (FAA) Venesuela paytaxtı Karakasda baş verən partlayışlar və "davam edən hərbi fəaliyyətlər" səbəbindən Venesuela hava sahasında ABŞ ticarət uçuşlarını müvəqqəti olaraq dayandırıb. FAA açıqlamasında bu qərarın səbəbi kimi ölkədə davam edən hərbi əməliyyatlar göstərilib. Venesuela hökuməti tərəfindən yayımlanan yazılı açıqlamada ABŞ-ın Karakas, Miranda, Aragua və La Guaira əyalətlərindəki sivil və hərbi obyektlərə qarşı həyata keçirdiyi iddia olunan hücumlar "qətiyyətlə rədd edilir və pislənir" deyə bildirilib.
