BAKI,AzerVoice, Fərid Mikayılov

ABŞ Prezidenti Donald Tramp ilə ölkənin vitse-prezidenti Cey Di Vens qalmaqallı maliyyəçi Ceffri Epşteyn işi ilə bağlı fərqli mövqelər nümayiş etdirirlər.

AzerVoice xəbər verir ki, məlumata görə, Tramp hesab edir ki, ABŞ ictimaiyyəti artıq Epşteyn mövzusundan uzaqlaşmalı və “başqa məsələlərlə məşğul olmalıdır”.

Vens isə əksinə, son vaxtlar açıqlanan sənədlərdə yer alan iddialarla bağlı ifadə verməyə hazır olduğunu bildirib. Həmin sənədlərdə Böyük Britaniyanın sabiq kral ailəsi üzvü Şahzadə Endryunun adı da çəkilir.

Bu fikir ayrılığı Respublikaçılar Partiyası daxilində artan gərginliyi açıq şəkildə ortaya qoyur. Partiya daxilində Epşteyn işi üzrə araşdırmaların davam etdirilməsinin zəruriliyi və ya mövzunun siyasi gündəmdən çıxarılması məsələsi ciddi müzakirə olunur.

Qeyd edək ki, bundan əvvəl yayılan məlumatlarda Ceffri Epşteynin Donald Trampı həyat yoldaşı Melaniya ilə tanış etdiyi iddia olunub.