BAKI, AzerVoice, Nailə Babazadə
ABŞ Prezidenti Donald Tramp Omanda keçirilən İran müzakirəsinin ardından qiymətləndirmələr aparıb. Görüşün çox yaxşı keçdiyini bildirən Tramp, gələn həftə İran tərəfi ilə yenidən bir araya gəlinəcəyini söyləyib.
AzerVoice xəbər verir ki, ABŞ Prezidenti Donald Tramp prezident təyyarəsində Omanda İran ilə keçirilən müzakirəyə dair jurnalistlərin suallarını cavablandırıb.
Görüşlərin çox yaxşı keçdiyini deyən Tramp, İranın bir razılaşma imzalamaq istədiyini bildirib.
"Nəticələr insanları təəccübləndirə bilər. İran bu gün təklif etdiyini ilk görüşdüyümüzdə təklif etsəydi, dərhal qəbul edilərdi" - deyə Tramp qeyd edib.
İranın nüvə silahı əldə edə bilməyəcəyini qeyd edən Tramp, İran tərəfi ilə gələn həftə yenidən bir araya gəlinəcəyini də açıqlayıb.
