BAKI, VOA, Nailə Babazadə
İranla bağlı bütün seçimlər masadadır, lakin yeni müharibə istəmirik
VOA xəbər verir ki, bu barədə ABŞ Vitse-prezidenti Cey Di Vens "Washington Post" qəzetinə verdiyi müsahibədə bildiribş.
Vens vurğulayıb ki, ABŞ keçmişdəki hərbi müdaxilə səhvlərini təkrarlamamağa çalışır, lakin bu, Vaşinqtonun lazım gələrsə hərbi gücdən istifadə etməyəcəyi anlamına gəlmir. "Yaxın Şərqdə illərlə sürəcək və sonu görünməyən bir müharibənin içində olacağımıza ehtimal yoxdur" deyən Vens, mümkün hərbi zərbələrin dəqiq və nəticəyönümlü olacağına işarə edib.
26 fevralda Cenevrədə keçirilən görüşlər 2025-ci ilin iyunundan bəri davam edən gərginliyi azaltmaq üçün növbəti addım olub. Türkiyə və Ummanın vasitəçiliyi ilə canlandırılan bu prosesdə İranın Xarici İşlər naziri Abbas Araqçi bəzi mövzularda razılığa yaxın olduqlarını bildirib. Danışıqların əsas mövzusu İranın uranı zənginləşdirmə fəaliyyətlərini dayandırması qarşılığında sanksiyaların ləğv edilməsidir.
