BAKI,VOA, Nailə Babazadə
ABŞ və İsrailin hava hücumları nəticəsində həlak olan İranın ali rəhbəri Ayetullah Əli Xamenei üçün paytaxt Tehranda üç gün davam edəcək dəfn mərasimi təşkil olunacaq.
VOA xəbər verir ki, bu barədə İslami Təbliğat Şurasının rəhbəri Məhəmməd Hüseyn Musapurmərasimin detalları barədə məlumat verib.
Mahmudi bildirib ki, ölkə rəhbəri ilə vida mərasimi bu gecə Tehrandakı İmam Xomeyni məscidində başlayacaq. Rəsmi şəxsin sözlərinə görə, xalqın ali rəhbərlə vidalaşması üçün nəzərdə tutulan tədbirlər ardıcıl olaraq üç gün ərzində davam edəcək.
Xatırladaq ki, fevralın 28-dən etibarən İsrail və ABŞ koalisiyası İrana qarşı genişmiqyaslı hərbi əməliyyatlara başlayıb. Hücumlar nəticəsində Əli Xameneyi ilə yanaşı, İranın bir çox yüksək rütbəli dövlət və hərbi rəsmiləri də həyatını itirib. İran Qızıl Aypara Cəmiyyətinin son məlumatına görə, bombardmanlar nəticəsində ölənlərin ümumi sayı 787 nəfərə çatıb. İran tərəfi isə bu hücumlara cavab olaraq Qətər, BƏƏ və Bəhreyn kimi ölkələrdəki ABŞ hərbi bazalarını hədəf alıb..
