İranın yenidən qurulması qeyri-mümkün ola bilər - Tramp

ABŞ Prezidenti Donald Tramp İranın Hörmüz boğazındakı strateji neft keçidinə müdaxilə edəcəyi təqdirdə, ABŞ-ın buna indiyədək görünməmiş dərəcədə sərt cavab verəcəyini bəyan edib. Sosial media hesabı vasitəsilə açıqlama verən Tramp, mümkün hərbi müdaxilənin miqyasının əvvəlki hücumlardan "20 qat daha sərt" olacağını vurğulayıb. Prezident Tramp qeyd edib ki, əgər Tehran rəhbərliyi neft axınını dayandırmaq üçün hər hansı bir addım atarsa, ABŞ ordusu ölkədəki "asanlıqla məhv edilə bilən hədəfləri" hədəm alacaq. O, belə bir ssenarinin baş verəcəyi təqdirdə, İranın bir dövlət olaraq yenidən inşa edilməsinin demək olar ki, qeyri-mümkün hala gələcəyini iddia edib.

10 Mart 2026 09:20

BAKI, VOA, Nailə Babazadə

VOA xəbər verir ki, sosial media hesabı vasitəsilə açıqlama verən Tramp, mümkün hərbi müdaxilənin miqyasının əvvəlki hücumlardan "20 qat daha sərt" olacağını vurğulayıb.

Prezident Tramp qeyd edib ki, əgər Tehran rəhbərliyi neft axınını dayandırmaq üçün hər hansı bir addım atarsa, ABŞ ordusu ölkədəki "asanlıqla məhv edilə bilən hədəfləri" hədəf alacaq. O, belə bir ssenarinin baş verəcəyi təqdirdə, İranın bir dövlət olaraq yenidən inşa edilməsinin demək olar ki, qeyri-mümkün hala gələcəyini iddia edib.

Hörmüz boğazının qlobal ticarətdəki önəminə toxunan Tramp, bu su yolunun açıq qalmasının başda Çin olmaqla boğazdan aktiv istifadə edən ölkələr üçün bir "ABŞ hədiyyəsi" olduğunu bildirib. Xatırladaq ki, Tramp bir müddət əvvəl CBS News kanalına verdiyi müsahibədə boğazın tam nəzarətini ələ almağı düşündüyünü də qeyd etmişdi.

ABŞ-ın bu təhdidlərinə İran tərəfinin cavabı gecikməyib. İran İnqilabı Keşikçiləri Korpusu (SEPAH) tərəfindən verilən açıqlamada bildirilib ki, yalnız İsrail və ABŞ səfirlərini ölkədən qovan ərəb və ya Avropa ölkələri Hürmüz boğazından sərbəst keçid hüququ qazanacaq.